وجع القلوب
طارق عميرة
مع كل مشهد للغروب
غير كل حاجه عملتها
وغير كل بحر من الذنوب
ربّك بلاك بهموم تقيلة
موت للوجود وسط الحياة
واسمه العظيم وجع القلوب
وجع القلوب ده يبقى دين
عباد جلالته بيسرحوا متشتتين
عميان في ايدهم في الضلام شمع ومشاعل
وبالنهار سبب العمى النور متين
وجع القلوب ده يبقى دين
كل من عرفه حزين
يعزف بنايُه في وسط ليله
تراتيل بيكتبها الزمن طول السنين
يفتح كتابه اللي اتكتب وحي وقدر
ويشوف حدوده مهما طار حيكون سجين
وجع القلوب تبدأ حكاية
تمشي معاها وتقول ده احساس مختلف
بعدين تعيش نفس النهاية
وتسب تلعن في البداية
بعدين تعيد نفس الحكاية !
بعدين تقول وتعيش وتلعن
قلبك ضعيف من غير عناية
وجع القلوب زمنه طويل .
علامات كتيرة كأنها مليون دليل
تبقى حبيبتك الوحيدة..
شايفة حبك مستحيل
وانتا من جواك في خاطر
بعدين معاك فكر بعقلك
اندفاعك مش جميل
وانتوا خايفين مالتمادي
والرجوع معناه تعيشوا
طعم الالم من غير حدود
معناه تكون باقي الاماني
متحققة ؟ وطعمها مالهوش وجود
بتدور في حلقة مدورة وبدون نهاية
وانتا اللي باني في طريقك السدود
وجع القلوب تحلف يمين
تعلن سلامك مستقر مع الحروب
وانك انتا في الحياة دي مش هترفض
انك تدوس اي درب من الدروب
بعدين ضميرك ينسفك بسؤال سخيف
هوا مش اسم سلوكك الهروب ؟
تكتشف ان انتا عابد مش بايدك
انتا عابد معبدك وجع القلوب
خارج الموضوع تحويل الاكوادإخفاء الابتساماتإخفاء